Os pescadores abren a vía xudicial contra a eólica mariña. O Tribunal Supremo admiteu a trámite o recurso presentado pola Plataforma en Defensa da Pesca e os Ecosistemas Mariño, que agrupa a confrarías do noroeste peninsular.
A dilixencia da sala terceira do contencioso-administrativo, con data do pasado tres de maio, abre a vía xudicial ao conflito que abriu a aprobación dos plans de ordenación do espazo marítimo (POEM), a folla de roteiro para a instalación dos parques offshore na costa española.
Esta ordenación establece catro zonas para o desenvolvemento da eólica mariña na costa galega que suman máis de 2.000 quilómetros cadrados, aproximadamente o 43% da superficie reservada en todo o Estado. A aprobación xerou unha forte contestación por parte do sector pesqueiro, con varias mobilizacións en Galicia en protesta contra o impacto que terán os parques na súa actividade.
