O candidato á Alcaldía de Noia polo PSdG-PSOE, Fran Pérez, mantivo unha reunión co candidato á reelección para a Alcaldía de Santiago X.S. Bugallo, co obxectivo de establecer puntos de acordo de cara á cooperación entre Noia e Santiago de Compostela en temas de promoción económica e turística.
De acordo co candidato á Alcaldía de Noia, a proximidade de Noia con Santiago supón unha oportunidade estratéxica, ao atoparse a menos de 20 minutos da Capital de Galicia, referencia turística á que chegan centos de milleiros de persoas cada ano. Cun aeroporto internacional e cunha estación de AVE, a promoción turística de Noia pasa necesariamente por explotar a súa proximidade con Santiago, de acordo co indicado polo candidato socialista Fran Pérez.
Na reunión, tratouse tamén a promoción e o encaixe da ruta do Camiño de Santiago que pasa por Noia, o cal para o candidato noiés é outro dos puntos onde a coordinación con Santiago será de enorme importancia. Para aproveitar correctamente estas potencialidades, ambos candidatos estaban de acordo na necesidade de integrar Noia na Área Metropolitana de Santiago, mellorando a conexión entre ambos núcleos urbanos e a frecuencia do transporte público.
“Santiago está para os noiesestan preto e tan lonxe” – comentou o candidato á Alcaldía de Noia, Fran Pérez. “Trátase dunha proximidade natural, que forma parte da vida dos noieses e noiesas pero que nunca foi debidamente aproveitada. É unha pena que non se tivera establecido unha boa relación de cooperación ate o día de hoxe”
