O pleno da Deputación provincial da Coruña aprobou este 26 de maio as diferentes modificacións presentadas do proxecto de saneamento de Pousada no Araño. O proxecto que vén de superar todos os permisos administrativos previos correspondentes, dende o de Augas de Galicia até o da Axencia Galega de Infraestruturas (polo seu entronque coa AC-305, que cruza para incorporar vivendas de ambas marxes da estrada).
O proxecto ten así vía libre para a súa licitación no Concello desde este momento. Esta fase ascende agora aprobada realizará un investimento de 222.357,39 euros e ten un prazo de execución de catro meses desde o inicio das obras.
O Concello engade que na actualidade as edificacións asentadas no núcleo e nas marxes norte e sur da AC-305 da zona da Pousada non dispoñen de ningún tipo de servizo de saneamento público que con esta obra se conectarán á rede xeral de sumidoiros.
O presente proxecto da fase 1 abrangue 15 vivendas habitadas, cunha estimación a longo prazo dunhas 25 vivendas.
