Un home foi evacuado ao Hospital Clínico de Santiago para recibir tratamento polas lesións ocasionadas pola caída.
Igualmente, valórase a posibilidade de que o ferido sufrise un esvaecemento previo á caída, ou mesmo unha perda de equilibrio que lle levase a precipitarse por unha ponte cuxa barreira protectora está a apenas 40 centímetros de altura.
Contra as 11:30 horas de hoxe, os axentes da Policía Local de Noia solicitaron, a través do 112 Galicia, a intervención dos Bombeiros de Boiro para rescatar ao home, que estaba tirado na lameira debido á baixada da marea. Así, ademais dos efectivos do parque comarcal, os xestores do 112 Galicia pediron a colaboración dos membros do GES de Noia.
De forma conxunta, recolleron o señor para recibir os primeiros coidados por parte do equipo de Urxencias Sanitarias de Galicia-061 antes do seu traslado a Santiago.
A.D.C.Bomberos Boiro. Dotación de bombeiros do Consorcio Provincial Contraincendios e Salvamento da Coruña con base en Boiro rescataron persoa precipitada no Malecón de San Lázaro no Concello de Noia. Colaboran Policía Local de Noia, Ges de Noia e 061. Moi boa sectorización realizada pola Policía.
