A Plataforma Stop Desahucios Barbanza emitiu un comunicado no que se informa da delicada situación dunha familia de Ribeira de catro membros, en situación de vunerabilidade e en risco de quedar sen vivenda. A plataforma lembra que a familia conta co seu firme apoio e, tamén, o da Oficina da Valedora do Pobo, que instou á entidade financeira de Unión de Créditos Inmobiliarios (UCI) do Grupo Santander a permitir a concesión dun alugueiro social para a devandita familia de Ribeira, o que evitaría o desafiuzamento sinalado, por parte do Xulgado Número 1 de Ribeira, para o mércores 3 de maio.
Dos catro membros da unidade familiar, unicamente traballa un só, dous deles están a estudar e a outra persoa atópase en situación de desemprego e sen prestación algunha.
Nestes momento a UCI está a estudar esta posibilidade para suspender o procedemento xudicial de execución hipotecaria, deixando sen efecto o desaloxo, e a concesión dun alugueiro social de custe asumíbel e por un período de cinco ou sete anos.
