O Ministerio de Transportes, Mobilidade e Axenda Urbana publicou a resolución do programa de axudas a municipios para a implantación de zonas de baixas emisións, de resultas do cal vaise conceder ao Concello de Ribeira un total de 1.072.119,63 euros de fondos Next Generation para efectuar tres novas actuacións no municipio.
Dunha parte, outórganse 875.012,02 euros para a mellora da seguridade e a accesibilidade no entorno escolar do barrio de Abesadas; e, ademais, concédense outros 122.727,27 para a mellora da seguridade e accesibilidade nos Mosqueiros e 74.380,17 euros para unha actuación similar na Ameixida. Cómpre lembrar que tamén o Plan de Turismo Sustentábel prevé actuar nestes dous últimos puntos, no entorno da estrada DP-7307.
O obxectivo do referido programa reside en contribuír a mitigar as emisións contaminantes e de gases de efecto invernadoiro, mellorar a calidade de vida e facilitar o desenvolvemento dunha mobilidade activa.
Barrio dos Mosqueiros, en Castiñeiras
