O Concello de Boiro leva a cabo un acto en homenaxe aos alcaldes boirenses e que terá lugar o vindeiro sábado 15 de abril ás 12.30 horas no Salón de Plenos. Xunto con este acto descubriranse uns cadros de cada un deles e que quedarán no Salón de Plenos da Casa Consistorial de Boiro.
Francisco López Silva, Manuel Velo Velo, José del Rio Dieste, Jesús Alonso Fernández, Xosé Deira Triñanes, Juan José Dieste Ortigueira e José Ramón Romero García son os sete alcaldes da democracia boirense. O obxectivo deste acto é facer un recoñecemento a todos eles e á contribución que a política ten no desenvolvemento económico e social do municipio.
