Operarios da empresa adxudicataria, Construcciones Ponciano Nieto, S.L., veñen de proceder á mellora do firme do camiño de Meiladín, situado na parroquia de Olveira: unha das actuacións financiadas pola Axencia Galega de Desenvolvemento Rural (AGADER) ao abeiro do Plan de Mellora de Camiños Municipais de Acceso a Parcelas Agrícolas 2022-2023, ao igual que a do camiño entre Eirexa e Gándara, xa executada.
Segundo explicaron fontes do Concello, o camiño, de 445 metros de longo, presentaba defectos e sinais de desgaste no seu aglomerado asfáltico. As obras de mellora incluíron tamén a roza e a limpeza da vexetación, a preparación das marxes do camiño, a regularización do mesmo botando aglomerado en quente nas zonas de fochancas e esconchados, a aplicación dunha subbase de saburra nas marxes e a extensión dunha capa de aglomerado en quente de cinco centímetros de espesor en toda a lonxitude e ancho da vía.
Supuxeron un investimento de 37.081 euros.
