Medio Ambiente salienta a boa evolución do proxecto de recuperación da Iberodes Littoralis no Parque Natural de Corrubedo

14 Abril 2023

A conselleira de Medio Ambiente, Territorio e Vivenda, Ángeles Vázquez, destacou este venres 14 de abril, no Parque Natural de Corrubedo (Ribeira), a boa evolución do proxecto que desenvolve a Xunta coa Universidade de Santiago de Compostela para a recuperación da especie ameazada Iberodes Littoralis no dito Complexo Dunar de Corrubedo e Lagoas de Carregal e Vixán.

Durante unha visita á zona, a conselleira puxo en valor “que a floración dos exemplares da especie reintroducida supón un grande avance de cara á recuperación dunha especie que pode considerarse un dos elementos máis carismáticos da biodiversidade do sistema dunar do parque”.

Ángeles Vázquez explicou que para chegar a esta fase o equipo da USC, coa colaboración sobre o terreo de persoal do Parque, repoboou un total de 20 parcelas duns 3 metros cadrados de superficie cada unha en base a uns estudios previos que “permitiron realizar unha selección das áreas máis idóneas para o desenvolvemento da especie e con maior idoneidade de hábitat”, sinalou.

Logo de subliñar que “xermolaron ao redor do 30% das sementes implantadas” e que “floreceron moitos dos exemplares”, a conselleira indicou que “o seguinte paso deste proxecto consistirá en comprobar a capacidade das novas plantas para producir sementes viábeis que pechen o ciclo biolóxico da especie e aseguren a permanencia da especie na contorna”.

Tamén lembrou que o último rexistro que se tiña desta especie databa do ano 2007, cando foran localizados pouco máis de 120 exemplares.

O Parque Natural do Complexo Dunar de Corrubedo e Lagoas de Carregal e Vixán ten unha grande importancia na preservación do medio ambiente ao ser unha das principais zonas dunares de Galicia. De feito, alberga a maior duna móbil da Comunidade. Ademais, é fundamental o seu papel como receptor de aves migratorias e como zona de reprodución e invernada das mesmas.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...