O Partido Barbanza Independente (PBBI) comunicou este mates 25 de abril dúas novas incorporacións ao grupo, con vistas a consolidar a nova formación que aspira a gañar as eleccións municipais de maio. Trátase do médico (no Hospital do Barbanza) Juan Luis Furones Ramos e do artista Paco Casal.
Juan Luis Furones Ramos
Nado en Madrid, o 13 de abril de 1970.
Estudou EGB, BUP e COU no colexio San Patricio
Licenciado en Medicina e Cirurxía no ano 1994 pola Universidade Autónoma de Madrid.
Realizou o seu estudo MIR como Cirurxián Ortopédico e Traumatólogo nos Hospitais La Fraternidad e Gregorio Marañón de Madrid, finalizando os mesmos no ano 2001.
Traballou como especialista na mutua Fraternidade-Muprespa ata agosto de 2004, momento en que decidiu, voluntariamente, trasladarse ao Hospital da Barbana, onde exerce como traumatólogo ata a actualidade.
Francisco Casal Castro
Paco Casal, pintor e gravador, desenvolveu a súa carreira artística de máis de trinta anos, formándose e expoñendo en universidades, museos, galerías e certames en toda España. Nos últimos dez anos, con especial dedicación en Ribeira dando formación e apoio á actividade extra-escolar nas artes plásticas, promovendo artistas emerxentes e defendendo a nosa contorna natural coas súas obras.
