A primeira hora da tarde deste domingo rexistráronse dous incendios, un en Muros e outro en Boiro coa mesma orixe dous deshumidificadores que comezaron a arder espontaneamente.
O primeiro dos lumes detectouse ao fío da unha da tarde nunha vivenda situada na recta de Abanqueiro, no municipio boirense. Un particular avisou ao 112 de que saía fume dun inmoble, no que nese momento non había ninguén. Ao lugar desprazáronse de inmediato unha dotación de bombeiros de Boiro e o servizo de emerxencias municipal, o lume non causou danos máis aló do deshumidificador aínda que si orixinou unha densa fumareda que afectou o resto da vivenda.
O segundo incendio tivo lugar en Esteiro, Muros ao redor das dúas da tarde. Ao lugar acudiu o GES, que cando chegou atopouse con que os residentes na casa lograran sufocar as chamas coa axuda dun extintor. O incendio afectou a unha neveira e algún outro aparello eléctrico.
A.D.C.Bomberos Boiro. Dotación de bombeiros do Consorcio Provincial Contraincendios e Salvamento da Coruña con base en Boiro interviu nun incendio de vivenda en San no Concello de Boiro. Colaboran SMPC Boiro.
