O Concello de Boiro leva a cabo as obras para a reforma dos vestiarios e aseos de campo de fútbol de Valiño. As actuacións, dun importe de 37.076 euros, están financiadas con fondos propios do remanente de tesourería do ano 2023.
As actuacións contemplan unha serie de melloras nas instalacións para mellorar os servizos e a accesibilidade da instalación que acolle actividade deportiva en diversas categorías. As obras que se van a executar contemplan a creación dun novo vestiario; a creación duns aseos accesibles para o público e a zona de acceso á instalación.
Contemplase a reforma dos vestiarios de equipos e árbitros para crear un novo vestiario; faise unha redistribución dos antigos vestiarios e cuarto do conserxe para ubicar os aseos para público nunha zona intermedia entre o gradarío e a cantina; e vaise realizar un novo trazado do peche da instalación e ampliación da entrada.
