A Marea Cidadá de Noia continuará este xoves cos seus Faladoiros temáticos, reunións con convidados e convidadas nos que tratar diversos aspectos para, posteriormente, integralos no programa electoral de cara ao vindeiro 28M. Se a semana pasada a xuntanza buscaba abordar a cuestión da cultura, desta volta o Faladoiro versará sobre Urbanismo. Para isto contase ca presenza do ex-concelleiro de Compostela Aberta e arquitecto Jorge Duarte, co membro de Betanzos Novo e especialista en urbanismo Hipólito Pérez e co ex-concelleiro de urbanismo en Noia, Xosé Bernaldo Castro. A reunión, de carácter aberto a calquera veciño ou veciña de Noia, celebrarase este xoves 20 de abril ás 20:15h no Hostal Valadares.
De acordo co voceiro e candidato da formación, Manolo Seijas, “estamos a deseñar un programa pensado para as maiorías sociais, dende Noia e para Noia. Estamos a facelo da man de calquera que estea disposto a aportar e a achegar o seu gran de área, sexa cal sexa o ámbito do que proveña.”- finalizou.
