A Agrupación Teatral Criaturas presentará no Auditorio de Rianxo a función A Geisha, unha obra de teatro que entremestura importantes ingredientes de intriga, amor e traizón e que narra a historia dunha muller que busca a súa súa identidade en medio dun mundo de misterios e segredos. “O espectáculo”, reflicten dende a agrupación teatral con sede en terras rianxeiras, promete ser “unha experiencia sensorial única para o público”, coa “combinación de actuacións brillantes e unha produción teatral de alta calidade”.
A representación terá lugar o sábado 06 de maio ás 20:30 horas na sala Arcos Moldes do Auditorio de Rianxo.
A entrada para o espectáculo terá un custo simbólico de 2 euros, que se poderán retirar na billeteira do Auditorio dende unha hora antes do comezo da obra.
