Trenor anuncia un investimento de 590.000 euros para o illamento e a substitución das xanelas do CPI Cernadas de Castro (Lousame)

30 Marzo 2023

O delegado da Xunta na Coruña, Gonzalo Trenor, acompañado pola alcaldesa de Lousame, Teresa Villaverde, visitou este xoves 30 de marzo o CPI Cernadas de Castro para anunciar un investimento de máis de 590.000 euros dirixidos a sufragar a substitución das xanelas e a renovación do SATE (sistema de illamento térmico exterior) do edificio de infantil e na parte nova do edificio principal.

Trenor dixo que “con este tipo de actuacións o Goberno autonómico está a traballar para transformar e adaptar os centros educativos de toda a xeografía galega de acordo cos novos retos tecnolóxicos e ambientais facéndoos máis confortables, seguros e sustentábeis”.

Con respecto á obra prevista consistirá na substitución das fiestras exteriores e na colocación de illamento térmico polo exterior tipo SATE sobre parte das fachadas do edificio principal e do edificio de Infantil.

O delegado da Xunta engadiu que “estas actuacións enmárcanse no Plan de Nova Arquitectura Pedagóxica”, a folla de ruta coa que o Goberno galego está a modernizar os centros de ensino e converténdoos en instalacións máis eficientes e sustentábeis, así como axustadas ás necesidades da educación do século XXI, máis dixitalizadas, con espazos funcionais, amplos e flexíbeis, mobiliario con rodas, etc. Dotado cun orzamento de 191M€, a través deste plan prevese renovar catro de cada 10 centros educativos.

Esta actuación conta co apoio do Fondo Europeo de Desenvolvemento Rexional, no programa operativo FEDER Galicia 2014-2020

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...