A brigada de obras do Concello de Rianxo vén de levar a cabo estes días a que sería a primeira posta a punto dos areais do termo municipal logo dos intensos temporais sufridos este inverno polo litoral rianxeiro. Como vén sendo tradicional, esta actuación realízase antes da Semana Santa para que a veciñanza acceda a estes espazos. Procúrase na limpeza separar tamén os residuos plásticos dos orgánicos. Tanxil, Quenxo, A Torre, O Pazo, Porto de Taragoña e As Cunchas son as praias nas que interveu nesta primeira serie de traballos a brigada municipal de obras.
