O Concello de Porto do Son vai organizar unha nova actividade formativa para fortalecer a empregabilidade e o emprendemento da veciñanza. Trátase dun curso de operador/a de produtos pesqueiros frescos, que inclúe 35 horas de formación. Poderán presentar solicitude de participación neste curso (puntuábel para o PERMEX) as persoas interesadas en xeral, tendo prioridade aquelas que figuren empadroadas no Concello de Porto do Son. Trátase dunha actividade formativa en liña e gratuíta que dará comezo o vindeiro 27 de marzo. Achéganse 25 prazas. As inscricións poden facerse a través da conta de correo maria.santos.lemina@portodoson.gal. O prazo remata este 17 de marzo ás 14.00 horas. Máis información na web municipal de Porto do Son.
