Noia Histórica e Terra Saúde organizaron o pasado 16 de marzo, no Edificio do Casino, unha charla sobre a frutífera, complexa e histórica relación entre os libros e a cultura mariñeira, unha confluencia temática da que teñen abrollado grandes obras da literatura e grandes poetas e novelistas. A charla Literatura e o Mar, que ateigou o Casino de seareiros das temáticas mariñeiro-literarias, puxo en foco en cuestións como a sustentabilidade, a vida no mar e os contos e as novelas que tratan sobre a vida no mar, alén doutras temáticas relacionadas cos barcos máis literarios e cos animais mariños que foron protagonistas de libros senlleiros.
Contouse coa presenza da libreira e escritora Mercedes Corbillón, o mariñeiro, comunicador e instagramer Rogelio Santos Queiruga e todo presentado e moderado polo escritor Enrique Suárez.
