Numerosos cantantes de Noia e a súa comarca daranse cita o venres 31 de marzo no Coliseo Noela, a partir das 20:45, para participar no evento cultural Gala al Pueblo Noiés!
A cita, presentada por Ton Lorenzo, acubillará actuacións de distintos estilos musicais, representados polos seguintes artistas locais e comarcais que xa confirmaron a súa participación na xuntanza: Luis Teira, Javier Gómez, Pachi Ageitos, Secho Barreiro, Martín, Modesto Paco de Leña, Andrés M.Gago, Pilar de la Riva, Miriam e Elma.
Os convites estarán dispoñíbeis na billeteira do Coliseo Noela o vindeiro martes 28 de 18:00h a 19:30h.
