O actual alcalde de Outes, Manuel González, repetirá como candidato de Compromiso para as eleccións do 28 de maio tras ser reelixido por unanimidade na asemblea que a agrupación local celebrou este sábado. O cabeza de lista indicou que se sentía con ganas e ilusión de continuar co traballo desenvolvido nos últimos catro anos xunto cos compañeiros que conforman o seu equipo.
Tras a súa elección, Manuel González fixo referencia a ese traballo realizado durante o mandato que xa afronta a recta final. O candidato salientou a relevancia que, ao seu xuízo, acadou o municipio incluso máis alá dos límites da comarca.
A pesar de que aínda non está pechada a lista coa que Compromiso Outes acudirá ás próximas eleccións o compromiso do cabeza de lista é manter o equipo de persoas que o acompañou hai catro anos, aínda que non descartou introducir un novo cara.
Manuel González naceu en Outes en 1975 e é profesor de Economía da Universidade de Santiago de Compostela.
