“Galicia sabe a mar e os pescadores non son alleos á pesca” – Antón Luaces

22 Marzo 2023

Sí, o comisario de Pesca da UE, Sinkevicius, está demostrando un día si e outro tamén, que a pesca mariña é algo que se practica no mar con algo que se chama barco e que estes levan aparellos a bordo cos que realizan as

tarefas que permiten capturar peixes que os humanos comen con fruición nos seus domicilios, en bares e restaurantes. E agora comeza a saber que existe unha pesca que din de fondo que, ao non ser do gusto das organizacións ecoloxistas, Europa debe prohibir porque el, Sinkevicius, o manda. Sinkevicius non aprendeu nada na súa relación co mar e a pesca pero está decidido a acabar con esta.

Diante de toda esta patulatada, varios ministros europeos de Pesca -entre estes o de España- falaron alto e claro no decurso dunha reunión celebrada o pasado luns en Bruxelas: NON AO PLAN DA UE PARA PROHIBIR A PESCA-DE ARRASTRE DE FONDO EN ZONAS MARIÑAS PROTEXIDAS, foi o acordo.

O ministro español de Agricultura, Pesca e Alimentación, Luis Planas, defende a pesca de arrastre e o Parlamento Europeo nega a prohibición da pesca de arrastre de fondo, mentres que os sindicatos europeos de pescadores dan mostra da súa preocupación polo plan de arrastre que, para o sector pesqueiro galego ven ser a súa acta de defunción a moi curto prazo de tempo.

E por unha vez, a conselleira do Mar da Xunta, nunha comparecencia no pleno do Parlamento de Galicia dixo o mesmo que din os traballadores do mar: “do mar se vive”, falou Rosa Quintana, por se Sinkevicius non o sabe, algo que Quintana lle aclara: “Todo para os pescadores sen os pescadores”, un absurdo do que é a política pesqueira da Unión Europea, entelequia do máis obtuso que tivo a ocorrencia de dar o poder dos salseiros a quen na súa vida mollou o cu no mar, Sinkevicius é de secano e ten po a esgalla nas membranas do interior da súa cabeza, xusto alí onde outros europeos teñen o cerebro.  

Porque a proposta do comisario Sinkevicius é tan negativa que todos os adxectivos que se lle apliquen levan implícita a negatividade: “incoherente, incomlreta, ineficaz, inxusta, inconexa”, dixo Quintana, quen engadiu: “feita sen autocrítica” no afán de frear a posta en marcha desas estratexias comunitarias de cara ao ano 2030, dotadas dunha excesiva “visión medioambiental” con aplicación de medidas ambientais  carentes de avais científicos que a sustenten máis aló do “cúmulo de despropósitos” que significa o intento de poñer en práctica a estratexia da pesca sostible e a transición enerxética do sector pesqueiro da UE.

O comisario Sinkevicius debe facer a maleta e practicar a pesca libre cunha canaveira da Habana nunha lagoa do seu país e deixar que os mariñeiros, a xente de mar, marquen estratexias.

Outros artigos

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

+

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...

+

“Ciudades más habitables”. José Antonio Constenla

Ciudades más habitablesEn plena resaca de las elecciones europeas, tal vez viene bien paradesengrasar, hablar de cómo haremos que nuestras ciudades sean máshabitables, algo sobre lo que la Unión Europea va a tener mucho que decir,sobre todo en un momento de transición...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...