O alumnado do Obradoiro de Emprego en xestión forestal Torre Goiáns II – Boiro que realiza o Concello de Boiro durante o curso 2022-2023 comezan os traballos en Monte do Sino. O alumnado está a traballar en tarefas de desbroce, eliminación de especie invasora e reforestación con frondosas.
Participan no Obradoiro un total de 20 alumnos e alumnas repartidos en dúas especialidades “Aproveitamentos forestais” e “Repoboacións forestais e tratamentos silvícolas” e reciben formación teórica, que se desenvolve no Centro de Formación e Viveiro de Empresas de Espiñeira, e tamén formación práctica en espazos naturais do municipio como son a contorna do Pazo de Goiáns e do Centro Arqueolóxico de Neixón, o transcurso do Camiño ‘A Orixe’, Monte Peón e Monte do Sino.
O alumando traballador conta cun contrato de traballo para a formación e aprendizaxe a tempo completo de 40 horas semanais durante os 12 meses que dura o programa e en horario de 7.30 a 15.30 horas.
O Obradoiro de Emprego en xestión forestal Torre Goiáns II – Boiro realizase mediante o financiamento da Consellería de Emprego e Igualdade da Xunta de Galicia para a realización de obradoiros de emprego na comunidade autónoma.
