Satisfacendo a vontade de Manuel Ayaso e a súa familia, no día de hoxe se procedeu a colocar tres placas na escultura que, no pasado agosto cadrando co pregón das festas do verán, se descubriu na praza do Concello ante o seu nomeamento como fillo predilecto de Ribeira.
Así, un operario da Brigada Municipal de Obras procedeu a súa colocación. Unha delas recorda precisamente o seu nomeamento, en tanto que outra da fe da autoría da obra en bronce (titulada “O soño de Manuel Ayaso”) por parte de Jontxu Argibay.
Por último, unha terceira placa exhibe unha canción de berce popular que Lucía Rivas, esposa de Ayaso, dedica ao pintor de Aguiño. Di así:
“Si queres que brille a súa
pecha os ollos, meu amor’e,
que mentras os tes abertos
a lúa pensa que hai sol’e”
