O Servizo de Deportes do Concello de Rianxo organiza a ruta O Camiño de Santiago 2023: O Camiño Inglés, que se corresponde co percorrido xacobeo o con saída desde Ferrol. A actividade desenvolverase en 5 etapas, nos meses de marzo, abril e maio, desde Ferrol ata Santiago de Compostela. O prazo de inscrición xa está aberto, e remata o 28 de febreiro ás 14 h.
As inscricións poderán formalizarse na plataforma Cluber.
Este ano como novidade, á hora de formalizar a inscrición poderemos facelo para as 5 etapas ou para a primeira. O pago farase etapa a etapa, pero a reserva de todas as etapas “implica ter praza garantida”, explicou o Concello, engadindo que o pago farase unha vez se confirme a inscrición e sempre a través dunha carta de pago emitida polos servizo de recadación e que vos será facilitada.
