A Asociación de Empresarios de Ribeira puxo en marcha unha nova campaña para incentivar as compras nesta recta inicial de ano, logo da época do Nadal e da importante actividade comercial xerada durante esta festividade. A patronal ribeirense que preside Francisco Martínez Gude presentou este mércores 22 de febreiro a campaña Días Tolos no Comercio de Ribeira. Segundo se fai saber nas bases da iniciativa, os comercios participantes van facer grandes descontos os días 24 e 25 de febreiro (venres e sábado).
Cos tíckets destes días, os clientes poderán realizar unha tirada na ruleta que estará na praza do Concello o sábado 25 desde as 11:30h. e terán a posibilidade de gañar moitos agasallos (haberá máis de 1.500€ en premios): vales de compra, plantas, chapeus, cuncas, tíckets de aparcadoiro….ata esgotar existencias.
Esta campaña está subvencionada pola Xunta de Galicia.
