O sábado 11 de febreiro, ás 19.30 horas, o salón de actos do Auditorio de Rianxo vai dar acollida á presentación da novela de Mingos Rial Velas al viento. No acto contarase coa presenza do autor rianxeiro e estarán acompañándoo Ana Rivas, Octavio Romero, María Dolores Rial e Paqui Espiño.
Velas al viento (Círculo Rojo) é unha novela de ficción, ambientada nos anos 1.700 ao 1.800, con pequenos relatos reais do autor.
Polo que respecta ao autor, Mingos Rial, naceu o 6 de novembro de 1966 na parroquia de Taragoña, en Rianxo. Cursou estudos no Daniel Alfonso Rodríguez Castelao. É un gran afeccionado á lectura e á escritura.
