O Centro Cultural Lustres Rivas de Ribeira vai exhibir a partir deste venres 3 de febreiro unha exposición formado pola colección gañadora e as coleccións finalistas do 16º Premio Luís Ksado de Creación Fotográfica que convoca a Deputación Provincial da Coruña.
A apertura da mostra terá lugar ás 12 do mediodía e permanecerá exposta durante todo o mes de febreiro, de luns a sábados. A entrada é gratuíta.
Esta décimo sexta edición está composta por un total de 65 instántáneas. A colección gañadora e dotada con 6.500 euros de premio correspondeu a un traballo sobre os incendios forestais en Galicia de Brias Lorenzo titulado “Lume”. Tamén se amosarán outras cinco coleccións con capturas sobre a erupción do volcán de La Palma, a inmigración, a mocidade, o Entroido ou os paisaxes urbanos.
A Concelleria de Cultura contará co catálogo da exposición para que os visitantes o consulten, ademais de agasallar aos centros educativos do municipio que o soliciten enviando un correo electrónico ao enderezo culturaefestexos@ribeira.gal.
