Veciños e veciñas do municipio ribeirense puideron desfrutar a semana pasada da representación en Santiago de Compostela da función A contenda do río Miño, coprodución do Centro Dramático Galego e a Companhia de Teatro de Braga.
Por certo que no bus do teatro fretado polo CDG tamén viaxou á capital galega veciñanza de Boiro e de Rianxo.
Os asistentes desprazáronse dende o Barbanza até Santiago dentro dunha iniciativa destinada a favorecer o acceso da poboación galega ao teatro público.
Entre as persoas asistentes figuraba a responsábel municipal de Normalización Lingüística de Ribeira, Alicia Padín.
O espectáculo está dirixido por Fran Núñez baseado no texto de 1671 de Gabriel Feixóo de Araúxo, que pasa por ser o primeiro texto teatral escrito en galego.
