A Área de Cultura do Concello de Rianxo compartiu os detalles dun dos grandes eventos deste Nadal no municipio: a chegada dos Reis Magos. Será este 5 de xaneiro e abranguerá todas as parroquias do concello. O elemento central do evento será a Cabalgata, que percorrerá os núcleos de poboación rianxeiros até rematar na praza de Castelao, cun gran acto de recepción.
Os actos e horarios previstos son os que citamos a continuación:
15.00 h Saída dende Isorna da comitiva dos Reis Magos para percorrer todas as parroquias do Concello.
17:30 h Belén Vivinte na Praza Castelao. Ambientación e actuacións a cargo da Asoc. Cultural Fogo Fatuo
19:00 h Entrada a Rianxo desde a Carballeira, co acompañamento musical das formacións: Vai de Roda, Buxaina e Panxoliñas Surfing. Animación de rúa por Barafunda Animación.
19:30 h Ofrenda ante o Belén Vivinte – Recepción na Casa do Concello – Reparto de caramelos – Recollida de cartas
Itinerario previsto (polas rúas principais)
Isorna – Leiro – A Fincheira – Arcos Moldes – Estrada de Rianxiño – O Pazo –Asados – Burés – O Araño – Taragoña (volta en Pte. Beluso) – Taragoña – Fachán – O Pazo – Rinlo – Praza Castelao
Nota 1: Non pasara polo interior da Urbanización A Martela
Nota 2: Os horarios son aproximados podendo sufrir alteracións, polo que o Concello recomenda ver a canle local de Youtube para saber en tempo real o lugar da cabalgata. Tamén se aconsella seguir a información publicada nas redes sociais e na web municipais, ante “posíbeis cambios pola climatoloxía e/ou outros condicionantes”.
Por outra banda, poderase seguir a cabalgata e posterior recepción en streaming a través da canle de Youtube do Concello de Rianxo.
