O Concello informa de que adxudicou unha actuación dirixida a reforzar a iluminación en catro pasos de peóns da cidade. Concretamente, dous están situados na avenida Miguel Rodríguez Bautista (nos números 4 e 10, que se corresponden co tramo do parque do Centenario), outro na avenida de Ferrol (número 11) e un cuarto na estrada do Touro á altura do parque de Pedra Pateira.
Con tal motivo vanse instalar en cada paso dous luminarias que iluminen o plano vertical do viandante e faciliten a súa visibilidade, incidindo así na mellora da seguridade viaria. Entraña as correspondentes canalizacións de cableado ata as liñas de alumeado público.
A adxudicación da actuación recaeu na empresa SETGA e comporta un investimento de 29.711 euros, IVE incluído. Os traballos teñen unha duración de 15 días.
Avenida da Coruña
Tamén está previsto que este mesmo mes se efectúen as obras destinadas a implantar solucións innovadoras en catro pasos da avenida da Coruña (números 149, 92, 82 e 6) logo da consulta ao
mercado realizada no marco da Estratexia de Desenvolvemento Urbano Máis Ribeira Atlántica, con cofinanciamento europeo. Tales solucións pasa pola instalación de sinalización Led vertical e horizontal, detectores de peóns e radarfes pedagóxicos indicativos da velocidade á que circulan os vehículos.
