O cometa C/2022 E3 (ZTF) atoparase o 1 de febreiro a uns 42 millóns de quilómetros da Terra. Para velo mellor, primeras horas de la noche y prismáticos

30 Xaneiro 2023

C/2022 E3 (ZTF) é un cometa de longo período descuberto pola Zwicky Transient Facility do Observatorio Palomar en Estados Unidos o 2 de marzo de 2022. O cometa pasou polo perihelio o día 12 de xaneiro, e fará o mesmo polo punto máis próximo ao noso planeta o 1 de febreiro, no que se atopará a uns 42 millóns de quilómetros da Terra. As previsións son que alcance unha magnitude de entre 4 e 5. “O mellor momento para observalo será a principios de febreiro no comezo da noite, posto que se atopará na constelación da Xirafa (Camelopardalis), que a esas horas estará na súa culminación”, explica o director do Observatorio Astronómico Ramón María Aller da USC, José Ángel Docobo. O cometa acaba de pasar entre a estrela Polar e o carro da Osa Maior. 

Imaxe do cometa tomada o 22 de xaneiro de 2023 por Francisco Javier Cerdán Núñez

Características

A órbita actual de C/2022 E3 (ZTF) ten unha excentricidade maior que 1 (e = 1.00027078), polo que xa non é periódico, e a inclinación con respecto á eclíptica é de 109.2°. O anterior paso polo Sistema Solar interior puido ser hai 50.000 anos, alén de estimarse un diámetro do núcleo de 1 quilómetro. Outros dos seus trazos distintivos é que as colas teñen unha cor verdosa debido á presenza de moléculas de carbono diatómico (C2). “Recoméndase a súa observación dende lugares suficientemente escuros e, de entrada, utilizando prismáticos”, continúa a relatar o profesor Docobo.

A nomenclatura do cometa significa que foi descuberto en 2022, sendo o terceiro na primeira quincena de marzo (letra E xa que a A correspóndese coa primeira quincena de xaneiro). Finalmente ZTF son as iniciais do grupo de traballo que o descubriu: Zwicky Transient Facility.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...