Unha condutora deu positivo en cocaína e cánnabis no control de drogas ao que a someteron nas proximidades da casa do concello ribeirense.
Os axentes da Policía Local de Ribeira deron o alto a un vehículo debido a que estaba a conducir de forma errática ao seu paso pola rúa Rosalía de Castro. Alí mesmo realizáronlle un test de drogas que resultou positivo, motivo polo que denunciaron á muller e inmobilizaron o seu vehículo.
A muller vella coñecida das forzas da orde foi proposta para unha sanción que pode carrexarlle mil euros de multa e a perda de seis puntos de carné.
