O Centro Dramático Galego recupera este ano o seu programa de mobilidade para facilitar a asistencia ao Salón Teatro de Santiago de Compostela e aos seus espectáculos. Farao novamente fretando autobuses dende diferentes concellos (a iniciativa Sobes ao autobús do teatro?). Entre os municipios que repiten nesta importante iniciativa cultural atópase o de Boiro, amais do Ribeira e o de Rianxo, entre outros moitos.
No caso dos ditos concellos, o CDG habilitará un autobús desde a vila con destino Santiago de Compostela para que os afeccionados locais ás artes escénicas poidan acudir á posta en escena de A contenda do río Miño unha coprodución do Centro coa Companhia de Teatro de Braga.
O servizo de transporte sairá de Ribeira (sobre as 18.00 horas), de Boiro (sobre as 18.15 horas na Cachada) e Rianxo (en Setefogas ás 18.30 horas) este sábado 4 de febreiro para chegar ó seu destino contra as 19.00 horas. A reserva de prazas pode facerse en cultura@boiro.org, normalizacion@ribeira.gal e en cultura@concelloderianxo.gal indicando nome completo, teléfono e correo-electrónico.
A función ten un prezo especial de 3 €, que inclúe a entrada e o desprazamento.
A Contenda do Río Miño
Proposta materializada a partir do texto Entremés famoso sobre a pesca do río Miño ou A contenda dos labradores de Caldelas de Gabriel Feixóo de Arúxo. Trátase dunha produción da Companhia de Teatro de Braga e o Centro Dramático Galego para o Festival de Almagro.
Autoría: Gabriel Feixóo de Arauxo / Dramaturxia: Javier Alonso de Castilla
Dirección: Fran Núñez
Elenco: Rogério Boane, Sílvia Brito, Carlos Feio, Eduarda Filipa, António Jorge, Grasiela Müller, Fran Núñez, Aisa Pérez, Valentina Picciau e Solange Sá.
Equipo espazo escénico: Salvador Forján, Antonio Mayo, Óscar Ortega, Xaquín Rei, Fernando Rodríguez, René Rodríguez, Suso Rodríguez e Elixio Vieites
Iluminación: Juanjo Amado e Tierri Pinto / Asistente de iluminación: Biqui Cabado
Son e audiovisuais: Antonio G. Budiño e Guillermo Vázquez
Vestiario: Cristina Cordido e María Negreira
Axudante de dirección: Silvia Brito / Apoio verso: Aisa Pérez
Coreografía: Belén Vázquez e Pilar Peña
Composición musical: Xosé Lois Romero e Grasiela Muller coa participación especial de Paulo Bragança
Deseño de produción: Rui Madeira
Produción: Paula Fonseca (CTB) e Francisco Veiga (CDG) / Asistente de produción: Xandre Vázquez
