O SERGAS vai acometer as obras precisas para reparar as filtracións de auga no Centro de Saúde de Ribeira. Así llo confirmou Atención Primaria ao alcalde de Ribeira, Manuel Ruiz, indicándolle que a intervención prevista dará comezo a finais de xaneiro ou como moi tarde a principios de febreiro.
Ademais, o rexedor municipal foi informado de que a partir do día 10 de xaneiro localizarase unha consulta móbil fronte á casa reitoral da localidade. Con esta medida preténdese tanto axilizar as obras como que os usuarios reciban entrementres atención médica nunhas mellores condicións que as actuais.
