O próximo sàbado 26 de novembro ás 18h no Local Social do Montiño en Imo, (Dodro) a Asociación de Veciños de San Xoán de Laíño celebra a súa cita do FESTIVAL FOLCLÓRICO 2022 e ademais faráse un especial recoñecemento a Tomás do Rego “O Gaiteiro de Bexo” que leva mais de setenta anos tocando a gaita e foi mestre de toda unha xeración de gaiteiros da comarca.
Un dos grupos cos que tocou foi “Os Rosales” de Asados xunto con Pepe Romero e Maruxa Miguéns que tamén asistirá ó festival.
Foi fundador do grupo “Aires da Nosa Terra” de Laíño co que tocou en numeroasa festas e certames folclóricos por todo o país e colaborou con outros grupos da comarca do Sar e a Arousa.
Os grupos participantes neste FESTIVAL FOLCLÓRICO 2022 serán: Aires do Río Vello, Os Centenarios, Xoldra, Os Liantes, Chorima, Os Mersenarios e para rematar o grupo folclórico da Asociación de Veciños de San xoán de Laíño: Foliada do Montiño.
A Asociación de Veciños convida a toda a veciñanza da comarca a este festival que rematará con unha foliada libre e pinchos para todos os asistentes.
