A Consellería do Mar informou este 24 de novembro que un total de 48 patroas e patróns maiores das confrarías galegas renovaron o seu cargo tralas terceiras eleccións unificadas nestas entidades, nas que o pasado 29 de outubro 62 delas votaron de xeito simultáneo para elixir aos seus representantes para os vindeiros catro anos. Mentres, nas 14 restantes cambia a persoa que vai encabezar a súa xestión na vindeira lexislatura.
Este xoves 24 foron proclamados definitivamente os novos responsábeis desas 62 confrarías e o seguinte paso é a súa toma de posesión, que se producirá este venres. A duración do mandato tanto da patroa ou patrón maior como do resto de órganos da confraría -xunta xeral e cabido- será de catro anos, podendo ser reelixidos por períodos de igual duración.
Unha vez tomen posesión as novas patroas e patróns maiores avánzase co proceso electoral unificado co obxectivo de renovar completamente os órganos reitores das confrarías de pescadores da comunidade e das súas federacións.
Patróns electos nas confrarías da nosa comarca
Lira
José Mariano Lago Louro
Muros
Manuel Daniel Formoso Moledo
Palmeira
Miguel Antonio Franco Parada
Ribeira
José Antonio Pérez Sieira
Portosín
José Isaac Gaciño Santos
Carreira-Aguiño
José Antonio Santamaría Sampedro
Cabo de Cruz
Jesús Pérez Dieste
A Pobra do Caramiñal
Enrique Maceiras Fernández
Rianxo
Miguel Ángel Iglesias Romero
O Pindo
Fernando Manuel Siaba Espasandín
Noia
Santiago Cruz Martínez
Porto do Son
Emilio Queiruga Santamaría
