O PSOE de Ribeira, a través do seu concelleiro-voceiro José Manuel Vilas Álvarez, presentou ao pleno da Corporación un rogo relativo á iluminación en Aguiño, no lugar de Lustres de Arriba, concretamente no rueiro conformado pola rúa da Braña da Area, Pedras Miúdas e Luís Pimentel, camiños veciñais asfaltados e dotados de varios servizos pero que segundo fan saber os socialistas “carecen de alumeado público”.
No rogo o grupo solicita que “por parte da delegación correspondente se estude/redacte un proxecto de dotación de tres puntos de alumeado público no entorno do rueiro devandito no lugar de Listres de Arriba en Aguiño”.
