Este venres 14 de outubro inaugúrase no Museo do Gravado de Artes (Ribeira) a mostra Os caprichos espidos de X. Poldrás, Goya e Dalí. Será ás 20.30 horas na sala 2 do dito museo.
A mostra está composta por 50 pezas: 10 debuxos de grafito sobre papel, 10 linografías e 10 debuxos dixitais de Os caprichos espidos de X. Poldras (A Coruña, 1969), colección que combina unha parte artística, de creación orixinal, e outra divulgativa, referida ao cartafol dos famosos gravados de Francisco de Goya. Ademais móstranse 10 gravados orixinais de Francisco de Goya (edición da Exposición de Sevilla de 1929) e 10 heliogravados de Salvador Dalí (1977), que son fondos do Museo do Gravado.
A exposición poderá visitarse ata o 14 de decembro de 2022.
