As paredes da Casa do Concello de Ribeira exhibe dende o día de hoxe un total de 50 fotografías dentro da mostra “Pinceladas”, de José Luis Gigirey.
O apto de apertura contou coas intervencións da concelleira de Cultura, María Sampedro, e do propio artista, quen se definiu como un apaixoado da fotogradía que dende fai dez anos quedou prendado
por esta arte nun camiño polo bosque. Así, a meirande parte das obras recollen bolboretas, cogomelos ou insectos, e foron tomadas nos últimos dous ou tres anos en distintos puntos como Ames (de onde el é orixinario), no Barbanza e incluso en territorios tan afastados como Islandia ou Noruega.
A edil de Cultura mostrouse encantada de poder acoller esta exposición, que se poderá visitar ata o vindeiro 15 de decembro.
José Luis Gigirey estivo acompañado de moitos compañeiros do Hospital da Barbanza onde el traballa, que tamén pousaron unha foto final para inmortalizar este acto de apertura.
