Morren nove vacas tras inxerir burundanga en Rois

Nove vacas morreron en Galicia tras inxerir a planta da burundanga, unha especie que se atopaba entre a herba fornecida polo propio gandeiro aos seus animais. O home asegura que descoñecía que aí se incluía esta substancia perigosa para a saúde.

Os feitos ocorreron na aldea de Quintáns (Rois, A Coruña) durante a tarde do pasado venres. O gandeiro observou como de súpeto nove das catorce vacas da súa explotación falecían de súpeto, sen motivo aparente. Manuel Rodríguez, dono da explotación gandeira, chamou rapidamente ao veterinario, “que fixo o que puido e salvou algunhas vacas”, segundo recolle a La Voz de Galicia.
O veterinario que acudiu en primeira instancia “xa confirmou que era burundanga, unha especie invasora”, que provoca espasmos ou alucinacións, podendo chegar á morte. Con todo, espérase a confirmación definitiva por parte dos técnicos de Medio Rural da Xunta, que fixeron as análises permitentes para esclarecer o suceso. O concello abriu unha conta bancaria para axudar ao traballador.