A borrasca que nos afectou durante toda a semana, móvese cara Irlanda, pasando moi preto de Galicia. Con esta situación agárdanse ceos con abundantes nubes e chuvias localmente fortes, ocasionalmente treboentas. As temperaturas mínimas non terán cambios, mentres que as máximas sufrirán un lixeiro descenso. Os ventos soprarán do suroeste, fortes.
Atención para domingo: Ventos de compoñente sur, forza 7 as primeiras horas do día.
AVISO DE PROTECCION CIVIL
A Dirección Xeral de Emerxencias e Interior da Xunta ampliou o aviso laranxa por temporal costeiro ao noroeste do Coruña e á provincia de Lugo, polo que xa está incluído todo o litoral galego.
Os ventos poderán alcanzar a forza 9 entre Ortegal e Bares e prevense ondas de ata 7 metros entre Cabo Vilán e as illas Sisargas. A potente borrasca Beatrice colle a remuda da Armand que tamén deixou refachos importantes durante a semana.
O aviso xa estaba activado dende o mediodía nas Rías Baixas e na Costa da Morte, onde os refachos do sur e suroeste alcanzarán a forza 8 e haberá mar combinado con ondas de entre 5 e 7 metros, segundo datos da Axencia Estatal de Meteoroloxía (Aemet).
A Xunta lémbralle á cidadanía a importancia de manterse afastado da liña de costa, é dicir, diques, rompentes e paseos marítimos. Tamén recomenda que se extremen as medidas de seguridade á hora de realizar calquera actividade no mar e que se revisen os cabos e amarres dos barcos.
O NOSO MAR: Vento do sudoeste á mañá e á tarde e do sudoeste á noite, forza 6 a 7 á mañá, 5 a 6 á tarde e 4 a 5 á noite. Media vaga á mañá e forte marusía á tarde e á noite. Visibilidade mala á mañá e regular á tarde e á noite. Mar de fondo do sudoeste á mañá e oeste á tarde e á noite, con ondas de 4 a 5 metros á mañá, 3 a 4 metros á tarde e 2 a 3 metros á noite.
Mareas
| Muros | ||
|---|---|---|
| Hora* | Altura | |
| Preamar | 03:29 | 3.3 m |
| Baixamar | 09:28 | 0.9 m |
| Preamar | 15:39 | 3.5 m |
| Baixamar | 21:53 | 0.7 m |
| Vigo | ||
|---|---|---|
| Hora* | Altura | |
| Preamar | 03:20 | 3.3 m |
| Baixamar | 09:20 | 0.9 m |
| Preamar | 15:31 | 3.5 m |
| Baixamar | 21:43 | 0.7 m |
| Vilagarcía | ||
|---|---|---|
| Hora* | Altura | |
| Preamar | 03:25 | 3.3 m |
| Baixamar | 09:25 | 0.9 m |
| Preamar | 15:35 | 3.5 m |
| Baixamar | 21:49 | 0.7 m |
Cámaras web da comarca (algunha pode nun funcionar puntualmente)
