A Consellería de Sanidade informa que os ingresados con COVID superan os 200 en Galicia, que notifica outros dous falecementos.
A cifra de pacientes con covid-19 hospitalizados en Galicia aumenta ata os 204, 199 en planta (+7) e cinco en UCI (-2). Ademais, aumentan os casos activos ata os 2.320, 49 máis que na última notificación. O Sergas informou ademais doutros dous óbitos de pacientes contaxiados, o que eleva as vítimas a 3.934.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.320 deles 518 son da área da Coruña, 283 da de Lugo, 402 da de Ourense, 265 da de Pontevedra, 327 da área de Vigo, 321 da de Santiago- Barbanza e 201 da de Ferrol.
Do total de pacientes positivos, 5 están en UCI, 199 en unidades de hospitalización e 2.116 no domicilio. Polo de agora, en Galicia hai un total de 676.126 persoas curadas, rexistrándose 3.934 falecementos.
Os últimos falecementos rexistrados por coronavirus foron:
Día 24 de outubro:
Muller de 94 anos, na área sanitaria da Coruña e Cee.
Home de 94 anos, na área sanitaria de Vigo.
O número de PCR realizadas é de 3.991.391.
O número de doses de vacina contra a covid-19 administradas é de 7.154.009.
