Yuri Durán e María Núñez, ex alumnos do Conservatorio de Ribeira, ofreceron o concerto de apertura do Centro Enrique Paisal

Yuri Durán e María Núñez, antigos alumnos do Conservatorio Profesional de Música de Ribeira Enrique Paisal, ofreceron na tarde deste 14 de setembro un concerto con motivo da apertura do curso nesta instalación situada na avenida Miguel Rodríguez Bautista.

Durán ao piano e Núñez ao saxofón deleitaron aos asistentes a este recital, entre os cales se atopaba a concelleira de Educación Juana Brión.

Hai que salientar que o Conservatorio celebra neste ano académico 2022-2023 o trixésimo aniversario da súa posta en marcha, acontecida co curso 1992-1993.