Cultura de Noia informou da apertura do prazo de inscrición para as diferentes actividades formativas de Musicalizando, que inclúe clases de guitarra, piano, música en movemento, coro, linguaxe musical, conxunto instrumental e folclore tradicional galego. O obxectivo desta nova edición de Musicalizando, segundo informou o Concello, “é que todas as rapaces e rapaces do termo municipal poidan aprender a desenvolverse e mellorar nesta arte”
As inscricións están abertas dende este luns 12 de setembro ata o venres 23 de setembro. Ademais, as actividades darán comezo a primeira semana de outubro
Podemos solicitar a folla de Inscrición no rexistro do Concello ou obtela na páxina de Facebook: Cultura – Concello de Noia. É preciso cubrir a folla e entregala no rexistro do Concello.
As prazas cubriranse por orde de entrega
