O Pazo de Goiáns foi escenario do I Encontro de Profesionais da Xestión Cultural de Galicia

O alcalde, José Ramón Romero, participou no acto inaugural do I Encontro de Profesionais da Xestión Cultural de Galicia que se reúnen este martes no Pazo de Goiáns. O alcalde estivo acompañado do deputado da área de Cultura da Deputación da Coruña, Xurxo Couto, e o presidente da Asociación Galega de Profesionais da Xestión Cultural, Carlos Lorenzo.
A programación deste primeiro encontro fai balance dos catorce anos de asociacionismo profesional, técnicos e xestores vinculados coa AGPXC e para analizar como afrontar a xestión cultural despois da pandemia e ante unha situación de crise económica. “En Boiro fíxose unha gran aposta por manter
viva a cultura, incluso nun momento tan complicado como foi a pandemia e no que era moi complicado programar calquera tipo de actividade”, afirmou o alcalde.
O presidente da AGPXC, Carlos Lorenzo, reseñou a importancia dunha xornada de “conexión profesional nun momento como o actual, saíndo dunha crise sanitaria global e albiscando unha recesión económica tamén global”. A primeira das mesas de debae estivo formada por aquelas persoas que presidiron a asociación nalgunha etapa: Pilar López, Alberto García, Xavier Campos e Pilar Portela.
A xornada contou tamén cunha mesa de análise ao redor das prácticas responsables e inspiradoras, formada por Laura Romero, presidenta da Asociación Galega de Profesionais da Ilustración; Serxio Lago, coordinador do Curso de Experto en Xestión e Innovación Cultural da Universidade de Santiago de Compostela; Teresa Espejo, técnica do Concello da Guarda; e Xabier Carnota, promotor da Asociación Sindical de Profesionais Técnicos do Espectáculo (Tesgal).

A programación continuou pola tarde, logo de que os asistentes puidesen coñecer o Pazo de Goiáns a través dunha visita teatralizada, cun lugar para o sector nos últimos temos como son o “Manual de boas prácticas na Xestión Cultural para espectáculos ao vivo” e o “Manual de artes visuais” .