Noia rende homenaxe a Pedro Brandariz na edición XXIII da Mostra de Curtas

Os días pasados celebrouse a presentación da XXIII convocatoria da Mostra Curtas Noia. Celebrarase entre o 11 e o 22 de outubro e renderá unha merecida homenaxe ao actor, humorista e escritor galego recentemente falecido Pedro Brandariz, que mantiña fortes vencellos coa actividade cultural noiesa e especialmente coa devandita mostra. O cartaz do certame, creado polo ilustrador Santy Gutíerrez, deixa constancia deste sentido tributo do pobo noiés a Brandariz, tal e como se pode apreciar no seu deseño.

Na presentación tamén se fixo saber que o Premio á Mellor Curta Amateur levará o seu nome.

Respecto aos datos xenéricos do certame, a organización confirmou que este ano recibíronse máis de 1.400 curtametraxes de mais de 50 países, sendo preseleccionadas 70 delas.

En datas vindeiras publicaranse nas redes sociais os títulos das obras audiovisuais que formarán parte desta edición.