Extinguido rapidamente un lume nunha nave en Padrón

Os propios particulares que deron o primeiro aviso ao 112 Galicia, pasadas as 18 horas, foron quen de apagalo empregando unhas plataformas elevadoras.  

Os alertadores informaron dun lume na cheminea dunha nave de mecanizados, no lugar de Estramundi de Abaixo, en Padrón, no que non se produciran danos persoais. En cuestión de poucos minutos, volvían poñerse en contacto para indicar que as lapas estaban apagadas e en proceso de enfriamento, e de que non era necesaria a intervención dos Bombeiros de Boiro e de Ribeira. Pola súa banda, o GES de Padrón desprazouse ata o lugar e comunicou ao 112 que seguirían nas instalacións para realizar tarefas de seguimento, e confirmar que o lume non volvera reavivarse. Finalmente retiráronse, indicando que non hai risco de reactivación.

Aínda que non chegaron ata o punto pola rápida extinción das lapas, dende o 112 tamén se solicitou a colaboración de Urxencias Sanitarias de Galicia-061, da Garda Civil e da Policía Local de Padrón.