Arrincan os traballos para elevar dous pasos de peóns en Aguiño

O Concello de Ribeira informou do comezo dos traballos para mellorar a seguridade viaria na rúa Listres, en Aguiño, a través da elevación de dous pasos de peóns na confluencia desta vía coas rúas Castelao e Vionta.

Os labores están sendo realizados pola empresa Canarga.

O Concello recibiu neste primavera autorización da Deputación da Coruña para realizar esta actuación ao estar tales pasos situados na vía provincial DP-7307, que se corresponde no rueiro coa ría Listres.

Licitación de semáforos

Dende o Consistorio engaden que esta semana licitouse a instalación de oito semáforos no cruce das rúas Francisco Lorenzo Mariño, Vionta, Listres e da Cerca.

Catro deles disporán de tres ópticas para vehículos e dous para peóns, mentres que os outros catros disporán de dous ópticas para peóns. A execución deste proxecto leva aparellado o subministro e instalación tamén dun regulador electrónico, un avisador acústico, un premedor táctil e máis un interruptor diferencial, entre outros elementos. Tamén se colocarán na beirarrúa luminarias LED a ambos extremos de cada paso de peón sobre báculos ou na propia columna.

A iniciativa conta cun orzamento base de licitación de 46.200,01 euros, IVE incluído, co-financiado con Fondos Europeos de Desenvolvemento Rexional (FEDER) dentro da EDUSI Máis Ribeira Atlántica.

O prazo de presentación de ofertas remata o 22 de setembro á medianoite a través do Sistema de Licitación Electrónica da Xunta de Galicia (SILEX).