A función O traxe novo do rei, de Tarabelos, chega este xoves a Escarabote

O Centro Social de Escarabote (Boiro) acolle este xoves 29 de setembro a representación dun espectáculo para a rapazada: a función O traxe novo do Rei, contacontos da compañía Tarabelos para público infantil. Será a partir das 19.00 horas. A entrada será de balde. As reservas poden facerse no Centro Social de Escarabote ou no teléfono 981 84 99 50.

Sinopse

Os grandes protagonistas desta obra son sen dúbida un traxe especial e máis un rei especial. Aquel traxe novo e máxico prometía ser un capricho inigualable, e unha ferramenta perfecta para saber o nivel de intelixencia de calquera habitante da corte. Pero, podía ser certo?, funcionaría?. De algún xeito si, pero non coma el esperaba.

Espectáculo recomendado a partir dos 3 anos.

Duración: 50 minutos