O Grupo A Misela, un dos grandes referentes galegos da música tradicional e popular iberoamericana, estará este domingo 28 de agosto nas Festas do Carme de Portosín, actuando na praza do Curro da vila a partir das 21.00 horas.
O Grupo A Misela nace en 2011 a raíz dunha iniciativa de socios da Sociedade Liceo de Noia que comparten o gusto común pola música popular hispanoamericana. Na actualidade a agrupación está formada por unha ducia de compoñentes, 12 voces masculinas acompañadas por instrumentos que están a cargo dos mesmos integrantes: guitarras, requinto, baixo acústico, percusión, charango, frauta, etc. A dirección musical está a cargo do profesor Alejandro Guillermo, que fai os arranxos vocais e instrumentais.
